حقيقةً وليت نشمئز من القذارة ، أنا من قبل نشمئز منها لكن توة فقت إلي قذارة ما بعد الثورة أتعس من قذارة ما قبل الثورة
الشوارع معبية بالزبلة ، الانهج ما تنجم تتعدى كان ما تشمر سروالك !! قلك أعوان البلدية يحبو يترسمو !! والأدهى من ذلك انو حتى أعوان الإدارة متاع البلدية مضربين ، قلك تضامناً مع زملائهم !! توة وليتو متضامنين وتخممو فيهم ؟؟ وينكم قبل الثورة ؟؟؟ خبز وماء و نحبو ..... شنوة المطلب القادم ؟؟ نحبو زوز نساء ؟؟أنا نقدم رأيي للحكومة : إلي ما عينوش بش يخدم توا ويقنع بالموجود ، ما عليه كان يخلي البلاصة لغيرو !!! وهكا تضرب عصفورين بحجرة ، تنقص من البطالة وتضمن تواصل العمل . وربي معنا ومع تونس ضد الإنتهازية الثورية المفاجأة إلي هبطت على بعض التوانسة
Aucun commentaire:
Enregistrer un commentaire